Zaldua, Iban
Iban Zaldua (Donostia, 1966)
Ekonomi historia irakasten du unibertsitatean, eta idazlea da. Helduentzako ipuin liburu batzuk (esaterako, Gezurrak, gezurrak, gezurrak, Erein 2000), saiakera eta artikulu ugari argitaratu ondoren, 2002an plazaratu zuen gazteentzako bere lehen liburua: Kea ur gainean (Elkar), eta ondoren, 2003an, etxe honek argitara eman zuen Ile Luzeen kondaira. Horren ostean helduentzako beste bi ipuin liburu argitaratu ditu, tartean 2006ko Euskadi Saria irabazi zuen Etorkizuna (Alberdania 2005). Bi eleberrien egile ere bada: Si Sabino viviría (Lengua de Trapo 2005) eta Euskaldun guztion aberria (Alberdania 2008). Volgako Batelariak web-aldizkariko erredakzio batzordeko partaidea da, bestalde (http://www.eibar.org/blogak/volga).
