Ahlberg, Janet and Allan
Janet Hall (Yorkshire, Ingalaterra, 1944 - 1994)
Allan Ahlberg (Croydon, Ingalaterra, 1938)
Irakasleak prestatzeko ikastaro batean elkar ezagutu, eta 1969an ezkondu ziren. Haurrentzako 40 bat liburu sortu zuten elkarrekin, gizonezkoak idatzi eta emakumezkoak ilustratuak. Ilustrazio horiengatik, Janet Hall-i Kate Greenaway domina eman zioten bi aldiz.
Beren lehen lanak 1976an argitaratzen hasi zirenetik, arrakasta handiko egileak izan dira eta milioika ale saldu dituzte, harik eta Janet hil zen arte.
Allan-ek 150 obratik gora sortu ditu, haietarik zenbait bien alaba Jessica Ahlberg-ek ilustratuak.
