Oxenbury, Helen
Helen Oxenbury (Ipswich, Suffolk, 1938)
Ipswich-eko Arte Eskolan eta Londreseko Arte eta Diseinurako Eskola Zentralean ikasi zuen. Bigarren horretan bere senarra izango zena ezagutu zuen, John Burningham idazle eta ilustratzailea. Antzerki taldeetarako, ABC telebista katerako eta Shepperton zinema estudioetarako diseinatzaile eta eszenografoa izan zen. 1967az geroztik haurrentzako liburuak idatzi eta ilustratu ditu arrakasta handiz. Haren liburuak milioika saldu dira eta generoko egungo klasiko bihurtu dira. Kate Greenaway domina eta Kurt Maschler sariak bina aldiz jaso ditu, eta Smarties Book saria hiru aldiz; Liburuzainen Britainiar Elkarteak ere haren obra saritu zuen. Erresuma Batuko HGLko adituek gehien baloratutako sortzaileetariko bat da.
