Murua Uria, Imanol

Imanol Murua Uria (Zarautz, 1966)

Unibertsitateko irakaslea, kazetaria eta idazlea da. Euskal Herriko Unibertsitatean Informazio Zientziatan lizentziatu zen 1989an, eta kazetari aritu zen geroztik Argia-n, Euskaldunon Egunkaria-n, Jakin-en eta Berria-n.

Rikardo Arregi Saria jaso zuen 1996an, 2006an eta 2010ean, eta Argia Saria 2008an.

Hainbat libururen egile da: besteak beste, Suetena Belfasten (1996, Humberto Unzuetarekin batera), Palestina zauritua (1998), Loiolako hegiak (2010), Ekarri armak (2015) eta Egunero behar genuen (2022).

Doktore-titulua eskuratu zuen 2014an, eta Kazetaritzako irakaslea da EHUn 2015etik. Euskarazko kazetaritzaren hastapenei buruzko hainbat ikerketa lan argitaratu ditu, hala nola euskarazko lehen kronikei buruz (2023), California’ko Eskual Herria-ren kazetaritza ereduari buruz (2022), eta Le Réveil Basque-ren kazetaritza politikoari buruz (2024).