Salaberri Zaratiegi, Patxi

Patxi Salaberri Zaratiegi (Uxue, 1959)

Patxi Salaberri Zaratiegi Uxuen (Nafarroa) herrian sortu zen 1959an eta orain Iruñean bizi da. Ezkondurik dago eta bi seme ditu. Filologia hispanikoan lizentziatu zen Nafarroako Unibertsitatean eta Euskal Filologian Euskal Herriko Unibertsitatean. Bigarren honetan Euskal Filologian doktore titulua lortu zuen, 1992an, Nafarroako Eki-Erdialdeko Euskararen Azterketa Toponimiaren Bidez tesiarekin. Honengatik Euskal Herriko Unibertsitateko 1992-93 ikasturteko humanitateen arloko «Doktoregoaren Sari ohi ez bezalakoa» eman zioten.

Nafarroako Unibertsitate Publikoko Euskal Filologia jakintza arloko katedraduna da;  2003tik 2005era Hizkuntza Plangintzarako Errektoreari Atxikia izan zen, NUPen, eta Filologia eta Hizkuntzaren Didaktika Saileko zuzendaria, 2002tik 2003ra eta 2008tik 2010era. Horretaz landa euskaltzain osoa da 2005. urtetik eta Fontes Linguae Vasconum aldizkariaren zuzendaria, 2003tik. Bestalde, Eusko Jaurlaritzako Euskararen Aholku Batzordearen Toponimia azpibatzordeko kidea izan zen 1996tik 2010era, Eusko Jaurlaritzako Kulturaren Euskal Kontseiluko kidea 2006tik orain arte eta Nafarroako Euskararen Kontseiluko kide 1996tik 1998ra eta 2004tik orain arte.

Argitalpenei dagokienez, hamasei liburu karrikaratu ditu, bakarrik edo besterekiko lankidetzan, eta artikulu eta liburu-atal franko. Liburuen artean hauek aipa daitezke: Eslaba Aldeko Euskararen Azterketa Toponimiaren Bidez; Toponimia de la Cuenca de Pamplona. Pamplona/Iruña; Artajona. Toponimia Vasca / Artaxoa. Euskal Toponimia; Euskal Izendegia; Euskal Deiturategia: Patronimia; Jose Mari Satrustegi. Nafarroako euskararen ikurra / Símbolo del euskera en Navarra; Nafarroa Behereko Herrien izenak. Lekukotasunak eta etimologia; Luzaideko Euskararen Hiztegia; Biraoak. Nafarroan bilduak; Izen ttipiak euskaraz; Etxalarko etxeen izenak.
e-maila: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

Toponimia navarra. VIII.

27,00 €

Obras Completas de José María Jimeno Jurío nº 47 Idioma Español Año 2006 Libro en cartoné 478 páginas [Ver detalles del producto...]