Txori baten portreta egiteko

Ilustrazioak: Mordicai Gerstein

Itzulpena: Jose Angel Irigaray

Margotu lehenik kaiola bat atea zabalik utziz.
Gero margotu zerbait polit, xume, zerbait eder,
zerbait erabilgarri txoriarentzat.
Jarraian kokatu oihala zuhaitz baten kontra parke batean, edo baso batean.
Ezkutatu zuhaitzaren atzean, hitzik esan gabe, mugitu gabe…

Arte eta sormenari buruzko alegia polit honetan biltzen dira Jacques Préverten poema ederrenetarik bat, 1943an idatzia, eta berau kolorez hornitzen duen Mordicai Gersteinen dohaina. Aipagarria da zeinen modu originalean iragaten den hiru izariko mundutik bidimentsiokora. Orobat nola islatzen dituen denboraren neurria, egonarriaren balioa eta izadia atzemateko modua. Funtsean, efimerotasunari buruzko gogoeta filosofikoa da: saiatzen gara atzematen dakuskigun eta desiratzen ditugun une eta irudipenak, lipar batez baizik ezin ditugularik atxiki. Gainditu beharrekoa, beraz, gurea ez dena geureganatzeko irrika hori, gure behakoa irekia izan dadin sentipen berrien aurrean.

Sen poetikoa ote duzu?
Imanol Mercero. Berria (2018ko ekainak 24)