O'Breskey, Antoni

Antoni O’Breskey (Florentzia, Italia, 1950)

Musikari eta pianojolea. Bere burua tradizio gaurkotzen jakin duten herri guztietakotzat daukan arren, funtsean, italiar jatorrikoa den Antonio Breschi, areago musikari dagokionez, irlandar sentitzen da, hortik aspaldi honetan darabilan izen artistikoa. 40 urteko ibilbide oparoan, musika eta bizitza uztartzen direneko mugan ibili izan da beti (“zer dateke bizitza musikarik gabe” ezagunari, “utikan bizitzarik gabeko musika!” kontrajartzen dio). Hori sakonki sentiturik, aitzindaria izan da tradiziozko musikak (irlandarra, flamenkoa, mediterraneokoa, euskalduna...) bestelako musika eta erritmotan txertatzen (klasikotik minimaleraino, blue-grass, jazz…)