Haize hegoaren aroak

Egunsenti alderat
gotorlekuko harresiak gartzen dira
xori hotz pausatu batek behatzen baditu.
Beren izenak azkazalez izkiriatuz
ziegez jabetu ziren itzalak.
Jasota daude ahanzturaren
erregistro kareztatuetan.
Txolarrek sastraka itsuan mokoka
harriak iraunarazten dituzte.
Honelako egunsenti dardaratietan
Ezkabako harresiek dirakite
xori gori batek begietaratzen baditu.