Tolerantziaren gaineko disertazioa

Juan Zelaia Saria 2006

edición digital

Tolerantzia hainbat jarrera ahulekin nahastu izan da askotan. Diferentearekin tolerante izan liteke beldurrarengatik, errukiarengatik, miresmenarengatik, indiferentziarengatik… Alabaina, bada beste tolerantzia bat: nork bere ideiei tinko eutsiz, diferentearekin bizitzea beste edozein aukeraren gainetik hobesten duena.

Tolerantzia kontzeptu zehatz moduan kristautasunaren zatiketa nagusiarekin batera sortu zen. Gaur egungo erlijio, ideologia, ohitura eta jatorri anitzen aurrean, teorizazio filosofiko sakonetan hasi gabe, garai hartan bezala, aurreneko erantzuna bestearen onarpena izan liteke. Gero etorriko da kontzeptuaren eta beraren ondorio guztien zehaztapena. Erlatibismotik edo posmodernitatetik ihes eginda, tolerantziak zimendu filosofiko sendoa dauka, eskema epistemologiko sinpleak eta boterearen erabilpen utilitarista saihesten badira. Gogoan izan behar da, halaber, tolerantziaren lehen motorra zuhurtasuna dela, bide luzeko bertutea, hain zuzen ere.

Liburu honetan tolerantziaren historiari ez zaio begirik kendu, gertatutakoak beti zerbait erakusten duelakoan. Gainera, tolerantziaren oinarritze saioetan aztakatu da, hauen dohain eta akatsak nabarmendu nahian.