Abere ba

Palindromo ilustratuen piztegia

Testua eta ilustrazioak: Bigara (Itziar Aranburu eta Jon Ander Garcia)

Ehun eta bat abere.
Hizkuntza aberatsa da. Hitza aberetu dugun piztia. Abere ba hitzekin jolasten duen liburua.

Palindromo: Animalia bakoitzak beste hitz bat ezkutatzen du atzeraka irakurrita: `asto hotsa ́, `ele bele ́, `aker oreka ́, `alegia igela ́, `apo zopa ́, `karramarro horra marrak ́, `zezenez ez ́. Zergatik izango ote da kapikua?

Ilustratu: Abereen itxuran oinarritua dago abezea. Hizki bakoitzean animalia bat agertuko da eta animalia bakoitzean hizkia: aberedefghijklmnopq…

Piztegi: hitz eta piztiak elkartzen diren tokia, bestiariuma edo gure burua. Definizio argigarriekin, ideiak pizteko ere baliogarria. Pitzaduraz betea.

Abereen irudidun hiztegi pizgarri honetan mitologiak, kantuak, kontuak, atsotitzak, onomatopeiak, hitzulpenak, ele-meleak eta hitz jolas ugari azaleratuko dira.
Ehun eta bat abere, zu eta ni barne. Abere ba.

+ info: abereba.eus

"Abere ba, palindromo ilustratuen piztegia"
Euskadi Irratia, Faktoria magazina (2020ko urtarrilaren 28a)

Hizkuntzaren ahalmen terapeutikoa
Oihane Larretxea. Gara (2020ko urtarrilaren 29a)

2020-02-02, egun kapikua oso bitxia 'abere ba' abiarazteko
N. A. El diario vasco (2020ko otsailaren 2a)

Bigara: "Proiektu honekin esan daiteke hizkuntza etxekotu nahi izan dugula"
Juan Luis Romatet. Baleike.eus (2020ko otsailaren 5a)

'Euskara ibiltaria' invita a conocer las variedades del idioma en el Museo de San Telmo
Noticias de Navarra (30 de enero de 2020)

Hitzen etxaldea
Ainhoa Sarasola. Berria (2020ko urtarrilaren 29a)

Palindromoak liburura ekarrita
Harri Fernández. Noticias de Gipuzkoa (2020ko otsailaren 2a)