Hyde Park-eko hizlaria

Nork gogoratzen ditu bizitza oso batean edozein pertsonak egindako gauza guztiak? Inork ez. Pertsona hori betiko joaten denean, nork izango du gogoan bere bizitzaren berri? Inork ez. Dena ahaztu egiten da denborak aurrera egin ahala. Nobela honetan, Leo protagonistak (adin batera heldu den euskaldun erbesteratua) bere bizitzaren berri emateko erabakia hartu du eta horrela, Londreseko Hyde Park-en bere historia hasiko zaie kontatzen igandero, maleta baten gainera igota, inguratzen zaizkion entzule guztiei. Ez da heroi bat izan, baina bizimodu bitxia izan du eta istorio ugari ditu ezagutzera emateko. Kasualitatez, estudiante euskaldun batzuekin egingo du topo Leok parkean, eta honek kontatutako istorioek eragin oso zuzena izango dute Londresen erdi galduta dabiltzan gazte horiengan (Edurne, Misterio D., Jotaeme, Julia…). Ez al da hobe askotan isilik segitzea, aspaldi gertatutakotik ezer kontatu gabe? Egia jakitea beharrezkoa al da beti? Gazte horien bizimodua Londresen hankaz gora jarriko da Leok esandakoengatik, baina, halaz ere, hizlariak berdin jarraituko du parkean dakien guztia beti bezala kontatzen.