Goizuetako etxeen izenak

Liburu honetan Goizueta nafar herriko etxeen izenak aztertzen dira. Honetarako egileek artxiboetako lekukotasunak, goizuetarrek ahoz erabiltzen dituzten aldaerak eta han-hemengo antzeko izendapenak hartu dituzte aintzat, oikonimo bakoitzak, etxe izen bakoitzak jatorriz esan nahi duena argitze aldera. Azalpen historiko eta linguistikoez gainera argazkia ere paratu dute etxe bakoitzaren aldamenean, desagertu edo hondatu direnen kasuan izan ezik, hauen irudizko testigantzarik ez baita gelditu.