Euskal kultura ?

Lan honek 2008.ko Juan Zelaia Saiakera Saria irabazi zuen. Epaimahaikoen aktak honela zioen: «[?] Ipar eta hego, eroso egokitu eta kokaturiko euskal kulturaren ideien eta praktiken mundu subordinatua inarrosiz, lanak haize berria dakar, egunoroko ihardueretan trabatua eta hizkuntza bizian. Saiakera akademikoa bainoago eztabaida eragile da; hain zuzen, lehiaketa honen xedetarik bat, epaimahaiaren ustez». Egilearen hitzak erabiliz, bestalde: Lan honek, espantu handiz, Euskal kultura ? izena hartzen du. Gai horri buruz abiatzen bada ere, laster hetsiko zaigu zirkulua, kultura baino gehiago «ikuskizun biziaren» tratatzeko. Nozio frantses honen inbututik ideien isurtzeak argi uzten du eraso baten aitzinean defentsa estrategia dugula hartzen, gure eremua berehala mugatuz. Frantziak baitu txerrea atxikitzen Lapurdin, Behe Nafarroan eta Zuberoan.