90eko hamarkadako haur eta gazte literatura

Euskal HGL urte askotan zehar hurbiletik jarraitzearen, eta zatikako azterketa ugari egitearen ondorioz, gaiari era sistematiko eta oro hartuta heltzeko garaia dela iruditu zaigu. Aipatutako azterketetatik, orobat, geure gaur eguneko HGLren ibilbidea ikusi ahal izan dugu: 70eko urteetan nekez abiatuta eta 80ko hamarkadako bultzada instituzionalari esker indartuta, 90eko hamarkada jo ahal izan dugu euskal HGLren behin-betiko finkatzearena.

Hori dela eta, hamarnakako mugaketek dituzten arriskuez jabetuta ere, muga horietako euskal HGL aztertu nahi izan dugu, sendotze gure ustez iraunkorraren klabeen bila.