Katalina kontalari
Etxepare Saria 2009
Hizkuntza Euskara
2010. urtea
Azal gogorra
32 or. koloreetan
2. edizioa
Testua: Iñaki Zubeldia
Marrazkiak: Estibalitz Jalón
ALBUM ILUSTRATUEN III. ETXEPARE BEKA IRABAZLEA, 2009
Aspaldi hartan, mendiko belaze batean,
txitxar zahar bat bizi zen.
Katalina zuen izena eta oso berritsua zen.
Egunero-egunero, antzinako istorioak kontatzen
zizkien bere bizilagunei, haurtzaroan berari amonak
kontatutakoak.
Behin batean, Katalina txitxarrak istorio hauxe
kontatu zien inguruko zomorroei…
Katalina kontalari naturaren eta zomorroen bizitza baketsuari buruzko ipuina da. Zomorroen artean txitxarra da protagonista. Txitxar ezin berritsuago honek beste hiru pertsonaia aurkeztuko ditu bere kontakizunen bitartez: mantangorria, tximeleta eta azkenean matxinsalto bihurtuko den hankaluze bat. Txitxarraren kontakizunek basoko biztanleak txoratuko ditu, baita liburu honen irakurleak ere, berritu egiten baita kultura ahoz aho transmititzeko ohitura.
Hirugarren aldia da Iñaki Zubeldiarekin batera Estibalitz Jalón aritzen dena, beste hiru albumetako irudiak ere egin baitizkio. Oraingoan Estibalitz Jalónek haurtzaroko oroitzapenak eta bere sorterri Iekora izan zituen gogoan, basoa eta txitxarra sortzeko, azkeneko hau bere amonaren irudia baita. Teknika artistiko hauek erabiltzen ditu: urmargoak, gouachesak, zur, kafe, te edo lixiba margoak, eta behatzak azken ukituak emateko. Etxepare bekaren III. Edizioaren epaimahaiak (Aitziber Alonso, Patxi Zubizarreta, Arrate Egaña eta Mikel Valverde) “albumeko marrazki goxo eta leunak nabarmendu zituen, giro berezia sortzen baitute”, baina baita testuaren kalitatea ere, “iradokizunez betetako alegia poetikoa delako, intriga pixka bat ere baduena”.
Zomorroak fantasia iturri
Katalina kontalari album ilustratua kaleratu berri du Pamiela argitaletxeak, Iñaki Zubeldiaren testu eta Estibalitz Jalonen marrazkiekin.
Noticias de Gipuzkoa. Joseba Imaz - 2010-06-18
