Leitzako bordak, sorreran (1557-1965)

Liburu honek, Leitzako bordak (baserriak) noiz eta nola sortu ziren erakutsi nahi dizu. Ikerlanak hori dizu ardatz, nahiz horren aitzakian beste datu osagarri asko txertatu egileak, ohiko duen estiloan.

Horrez gainera, mendez mende hauspean pasa ondoren, orain arte inork aztertu gabeko iturburu birjinetik atereak izateak, berebiziko balioa ematen die liburu honetako datuei. Baina, iturburu finenera jotzeak ez du berez kalitate onik bermatzen, eskarmenturik ezean. Eta hori ongi erakutsia dauka egileak.

Izanez ere, trilogia moduko bat isten baitu liburu honek, iaz Pamielan argitara genuen Bordarien sorrera eta bilakaera Leitzan eta Areson eta 1996ko Leitzako errege erreginak liburuekin batera.

Hiru liburuok elkarren osagarri ezinbanatuzko izanen baititu biharko ikerle leitzarrak edo nahinongo euskal herritarrak. Baina, hiruetan dokumentuz hornituena, esku artean duzun hauxe: Leitzako bordak, sorreran; bordarik borda, hamaika datu berri jasotzen baitu Leitzako bordagintzaz (baserrigintzaz).