Artikuluak

Neguan izan zen-Liburuxka + DVD-a

Irakurraldi oso sentituak izan ziren

Iazko azaroan atera zen Egunsentiaren esku izoztuak liburua. Ale asko saldu ziren. Handia izan zen, Leteren liburuak sekula ez baitira komertzialak izan. Baina hura desberdina zen. Hasteko, ohi baino narratiboagoak ziren, eta, nolabait esateko, oso autobiografikoak. Poetak behin eta berriz adieraztzen zituen bere sentipenak, bere atsekabea, bere Jainko gosea, bere samina emaztearen heriotza zela-eta. Botika ere izan zuen liburu hori Letek, lagundu zion Lurdesen hutsuneari aurre egiten. Hil baino lehenxeago, emazteak esan omen zion «gauza ederrak egiten» jarraitzeko, eta Letek esana egin. Handik laster Durangoko Azoka etorri zen, eta olerkaria prest agertu zen hara joan eta irakurleekin hitz egitera; eta liburuak sinatzera. Eta urte hau, harrigarriro, irakurraldiz irakurraldi eman du, ilusio eta kemen handiak erakutsiz. Beharbada jendaurreko saio gehiago ere egingo zituen, bere aspaldiko osasun arazo hori tartean izan ez balitz. DVDa zabaltzen duenak konprobatuko du: oso irakurraldi sentituak izan dira. Letek oso ondo daki poemak irakurtzen, eta Goikoetxearen aportazioa ere ederra da.

Poesia belarrirako

Koloretako malutak