Artikuluak

1.- Deialdia:
Artaxoako Udalak “José María Jimeno Jurío” II. Ikerketa Sarirako deia egiten du.
Bere bigarren edizio honetan, Artaxoako Berant Erdi Aroko eta Aro Modernoko dokumentazioaz Jimeno Juríok mekanografiatutako testu jatorrizko argitaratu gabeak lantzea izanen da muina, baita testu horiek azterlana ere, 75 orrikoa gehienez, 8. puntuan aipatutako ezaugarriekin.

Ikerketa lana José María Jimeno Jurióren Obras completas liburu-saileko 27. liburukian emanen da argitara (Pamiela argitaletxea ).

2.- Eskatzaileak:
Karrerako azken urteko ikasleek edo karrera bukaturik bost urte baino gutxiago daramaten lizentziadunek erdiesten ahal dituzte beka hauek.

3.- Gaia:
Antolatzaileek, deialdi bakoitzean, zer ikerlan garatu behar den zehaztuko dute. Edizio honetan José María Jimeno Juríok Artaxoako dokumentazio ezezagunari buruz transkribatutako testuak argitaratzea eta aztertzea izanen da lana. Zehatz-mehatz, transkripzioen gaiak hauek dira:
A). Artaxoako dokumentazioa (1400-1600): 36 orri.
B). Udal Artxiboa (1751-1779). 20 orri, bi aldeetatik mekonografiatuak.
C) Artaxoako jaunak eta udala (fitxa mekanografikoak eta eskuidatziak):
1. Artaxoa eta Leringo kondeak (folio erdiaren tamainako karpeta).
2. Artaxoako Etekinen Kabildoa eta Prioretxea (karpeta txikia).
3. Artaxoako Prioretxea folio erdiaren tamainako karpeta).

4.- Proposamenen aurkezpena:
Eskatzaileek proposamen bat aurkeztuko dute Artaxoako Udaletxean. Bost orritan gehiene,z lana zehaztu eta azalduko da. Proiektua egiteko, ikaslanaren xede den dokumentazioaren kopia bat kontsultatzen ahal da Nafar Ateneoan (Barañaingo etorbidea, 10, 1.a A. 31008. Iruña. 948-275302. Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.)

5.- Aurkeztu beharreko dokumentazioa:
a.- Lanerako proposamenaren hiru kopia.
b.- Eskatzailearen NANa.
c.- Eskatzailearen curriculuma.
d.- Harremanetarako datuak (postako helbidea, telefonoa eta helbide elektronikoa).

6.- Proposamenak aurkezteko tokia eta epea:
Eskabideak Artaxoako Udaletxean aurkeztuko dira (Eugenio Medióroz kalea, 3, 31140, ARTAXOA, Nafarroa), 2010eko ekainaren 21a baino lehen).

7.- Epaimahaiaren osaera eta epaia:
Epaimahaia honako hauek osatua egonen da: Artaxoako Udalaren ordezkari bat, Nafar Ateneoaren ordezkari bat, Pamiela argitaletxearen ordezkari bat, José María Jimeno Juríoren Obras Completas bildumaren zuzendaria, eta deialdian gaian adituak diren bi doktore, Mª Raquel García Arancón (Nafarroako Unibertsitatea) eta José Miguel Lana Berasáin (Nafarroako Unibertsitate Publikoa).
Epaimahaiak ekainaren bukaeran emanen du aurkezten diren eskaerei buruzko ebazpena, eta prentsaurre batean jakinaraziko da irabazlea.
Epaimahaiak hutsik utziko balu deialdia, bere esku izanen luke espezialistaren bati deialdiaren xede den lana egiteko eskatzea, geroago argitaratzeko.

8.- Aurkeztu beharreko lanaren ezaugarriak:
Sarituari José María Jimeno Juríoren material ezezaguna emanen zaio, tratamendu informatikoa eman eta aztertu dezan. Ikerlanaren hitzaurrea gehienez 75 orrikoa izanen da (DIN A-4, lerroalde bikoitzarekin, gehienez 135.000 karaktere, hutsuneak barne).

9.- Segimendua, aurkezteko epeak eta edukia:
Urtarrilaren 30a baino lehen, ikerlanaren aurrerapen bat aurkeztu beharko da Artaxoako Udaletxean. Artaxoako Udalak eta Pamiela argitaletxeak izendatutako batzorde batek lana aztertuko du, eta behar adina bilera egin litzake pertsona saritu(ar)ekin, deialdi honen helburuak bete daitezen.

Lana 2011ko martxoaren 4a baino lehen aurkeztu beharra dago, ostirala baita. Posta ziurtatuaren bidez bidaltzen bada, gutun-azalean jarritako data hartuko da kontuan.

Paperezko hiru kopia aurkeztu behar dira, lanaren dokumentu digitalaren kopia bat ere, CD batean edo USB memorian.

10.- Sariaren zenbatekoa eta ordainketa:
Saria 2.000 €-koa da, eta lanaren edizioa Pamiela argitaletxeak hartuko du bere gain, José María Jimeno Juríoren Obras Completas bildumaren barrenean.
Epaimahaiak erabakia hartzen duenean, sarituak sariaren zenbatekoaren erdia jasoko du, eta gainerakoa lana aurkeztean.

11.- Lanen jabetza:
Lan saritua Artaxoako Udalarena izatera pasatuko da, eta udalak, nahi izanez gero, bere webgunean jartzen ahal du.
Lan argitaratuak dagozkion egile-eskubideak sorraraziko dizkio egileari. Sariaren zenbatekoa, ondorio horietarako, egile-eskubideen aurrerapentzat hartuko da.

12.- Oinarrien onarpena:
Egileek, sariketan parte hartze hutsarekin, espresuki onartzen dituzte oinarriak.