Juan Zelaia

X. Saiakera Saria
(Iruñea, 2010)

Pamiela etxeak,

KULTURAREN ALDEKO EUSKAL FUNDAZIOAren babesarekin

Juan Zelaia X. Saiakera Saria

antolatzen du, euskaraz idatzitako edozein gairi buruzko saiakerak edota eritzi lanak zabaldu eta sustatzeko asmoz.

Lehiaketak honako arauak ditu:

ARAUAK

1. Lehiaketa honetan euskaraz idatzitako lanak aurkeztu daitezke, orijinalak eta argitaratu gabeak, eta beste ezein literatur lehiaketatan aurkeztu gabekoak. Hobetsiz, beti ere, lanen saiakera, gogoeta edota iritzi izaera. Baldintza hauek indarrean iraungo dute epaiko unera arte, orokorrean, eta argitaratu arte saritu kasu(et)an.
2. Lanak Din-A4 formatuko orritan aurkeztu beharko dira. Luzapena gehienez 75 orrialdekoa izango da (135.000 karaktere, espazioak barne). Bost kopia paperean eta inprimatuak igorri behar dira, eta horiekin batera testu osoa diskete edo CD batean.
3. Lanak, Pamiela etxea (Juan Zelaia Saria), Agustindarren industrialdea/Soltxate. G kalea, B6 nabea. 31013 Iruñea helbidera bidali behar dira, 2010-09-30 baino lehenago.
4. Lanak izenburuaren bidez soilik identifikatuko dira. Ez dute, beraz, egilea nor den antzemateko biderik eman dezakeen xehetasunik eramanen. Aparteko gutunazal itxi batean, egilearen izen-abizenak, helbidea, telefonoa, faxa edota e-maila daramatzan oharra sartuko da, gutunazalaren kanpoaldean obraren titulua ere aditzera emanez.
5. Pamielak epaimahaia izendatuko du; beronen epaia erabakiorra izango da. Lehiaketa honetan parte hartzen duenak besterik gabe arau hauek onartzen dituela adierazten du. Beraiek betetzen ez dituzten lanak, beraz, lehiaketatik kanpo geldituko dira. Aurreikusi gabeko edozein gorabehera  epaimahaiak ebatziko du, berari dagokionean. Gainerakoan, Pamiela etxeak.
6. Saria 9.000 euro
7. Lan irabazlea ezagutaraztea eta saria ematea 2010/11ko neguan eginen da Iruñean.
8. Negu berean argitaratua izanen da. Argitaratzeko eskubideak Pamiela etxearenak dira.
9. Saria eman gabe gerta liteke, epaimahaiaren iritziz aurkezturiko lanek behar adinako mailarik ez balute. Argitaratuak izan daitezke, halaber, epaimahaiaren aburuz aukerako diren lanak, egilearen adostasunarekin, bistan da.
10. Saritu ez diren lanak ez dira itzuliko, eta behin irabazlea ezagutarazi ondoren, deseginen dira hilabeteko epean Pamiela etxearen egoitzatik berreskuratzen ez direnak.

Pamiela etxea:
Tel.: 948 32 65 35 • Esta dirección electrónica esta protegida contra spam bots. Necesita activar JavaScript para visualizarla
www.pamiela.com