Zabaleta, Patxi
Patxi Zabaleta (Leitza, 1947)
Ezkonduta dago eta bi alaba ditu. Zuzenbidean eta filosofian lizentziatua eta 1986tik euskaltzaina. Lanbidez, abokatu eta politikaria da.
Idazle bezala, olerki arlorrean 3 lana argitaratu ditu: Zorion baten zainak, Ezten gorriak eta Bizi! (Pamiela, 2009).
Narratiban bost nobela ditu argitaratuta: Errolanen harria, Ukoreka, Badena dena da, Arian ari eta Eneko Aritzaren hilobia.
Saiakeran Absurdoko kontuak edo zoroen herriko kronikak (Pamiela, 2013) argitaratu du.
Nafarroako azken mariskala izeneko liburuak antzerki egitura dauka.
Argitaratuak ditu ere ipuin liburu, biografia eta saiakera anitz; bai euskaraz bai gaztelaniaz; bai liburu formatoan, nola aldizkari eta eranskin moduan.
