• Biba Mina!
  • Atlas histórico de Navarra
  • Arraroa
  • Ximunen baratzea
  • Mokotxiki
  • Los fugados del Fuerte de Ezkaba - EDICIÓN REVISADA
  • Tartaroa. Mina, boterea eta egia
  • Bidaiak
  • Piztipoemak eta beste xomorro batzuk

2016ko Mikro-ipuin lehiaketaren arauak

Mikro2016port

 
Mikro-ipuin lehiaketa 2016

Euskokultur Fundazioak eta Pamiela etxeak 2016ko «Mikro-ipuin lehiaketa»ren deialdia iragartzen dute. Lehiaketa hau Nafarroa, Lapurdi, Baxe Nafarroa eta Zuberoako ikastetxeetan euskaraz ikasten duten ikasleei zuzendurik dago.

ARAUAK (PDF-an eskuratzeko klik hemen)

1. PARTE HARTZAILEAK
Lehiaketa honetan Nafarroa Garaiko A eta D ereduetako Lehen Hezkuntzako eta Derrigorrezko Bigarren Hezkuntzako ikasleek eta Baxe Nafarroa, Xuberoa, eta Lapurdiko eskola eta kolegioetako ikasleek hartu dezakete parte.

2. LANAK
Parte-hartzaile bakoitzak idazlan bat aurkeztu ahalko du, gehienez 100 hitzekoa. Ipuinak originala izan behar du, argitaratu gabea eta beste inongo lehiaketara aurkeztu gabea.

3. KATEGORIAK
Sei kategorietan antolatuko da lehiaketa: D ereduko Lehen Hezkuntza, A ereduko Lehen Hezkuntza, Iparraldeko Lehen Maila (eskolak), D ereduko Bigarren Hezkuntza, A ereduko Bigarren Hezkuntza eta Iparraldeko Bigarren Maila (kolegioak).

4. AURKEZPENA
Irakasleak edo arduradunak talde bakoitzaren lanak bildu eta 2016ko abenduaren 16a bitarte Euskokultur Fundazioari helaraziko dizkio. Horretarako bi bide daude:
Postaz igorri edo egoitzan entregatu, gutun-azal handi baten barruan sartuz EUSKOKULTUR MINTEGIA Baratzeetako zeharkalea 2, behea. 31014 Iruñea helbidean.

1. Lanak: eskuz idatziak, fotokopiatuak edo mekanografiatuak izan daitezke, baina beti goitizenez sinatuak. Orri hauetan ezin da egileen datu pertsonalik agertu.
2. Aparteko gutun-azal txiki batean, egileen xehetasunak (goitizena, izen-abizenak, maila, adina eta hezkuntza eredua) eta irakaslearen edo arduradunaren harremanetarako datuak (izen-abizenak, ikastetxea, telefonoa eta helbide elektronikoa).

Posta elektronikoz, mezu bakar batean erantsiz mikroipuinak@euskokultur helbide elektronikora.
1. Lanak goitizenez sinatuak PDF formatuan, egileen datu pertsonalik adierazi gabe.
2. Testu-prozesadore formatuan (ODT, DOCX, DOC, RTF), egileen xehetasunak (goitizena, izen-abizenak, maila, adina eta hezkuntza eredua) eta irakasle edo arduradunaren harremanetarako datuak (izen-abizenak, ikastetxea, telefonoa eta helbide elektronikoa).

5. HAUTAKETA-PROZESUA
Epaimahaia Euskokultur Fundazioak osatuko du, erakunde horretako kideen eta literatura munduko pertsonen artean aukeraturiko kideekin. Jasotako lan guztiak aztertu ondoren, epaimahai horrek aukeraketa eginen du. Deliberoa 2017ko martxoan ezagutaraziko da, Euskokulturren webgunean eta komunikabideen bitartez. Deliberoari ezinen zaio helegiterik jarri.

6. SARIAK
Kategoria bakoitzeko irabazle bat izanen da eta Pamiela Argitaletxearen liburu sorta bana emanen zaio. Horrezaz gain, epaimahaiak egoki deritzon ohorezko aipamenak egin ditzake. Halere, sariak eman gabe gera daitezke, baldin eta -epaimahaiaren irizpidearen arabera- idazlanek behar bezalako merezimendurik ez badute. Bestalde, epaimahaiak erabakiko du zein ikastetxetan eginen den ikasle, irakasle eta artista gonbidatuarekin ospatu ohi den sari banaketaren ekitaldia. Aurtengo edizioko gonbidatu berezia Oier Sanjurjo Osasuna taldeko jokalaria izango da.

7. ZABALKUNDEA
Aurkezturiko idazlanak Euskokulturren esku geratuko dira. Fundazioak bere webgunean edo beste komunikabide edo euskarritan argitaratu ahal izanen ditu, egilea eta eskola aipatuz betiere. Era berean, Euskokulturrek eta Pamielako lehiaketan eginiko argazki eta bideoak erabili ahal izanen dituzte.

8. OHARRAK
Araudi honetan aurreikusi gabeko edozein arazo ebazteko eskumena epaimahaiak izanen du. Aurkezturiko obren kopurua espero baino handiago izatera, atzerapena izan liteke, epaimahaiak ipuinak irakurtzeko eta aztertzeko aski denbora eduki dezan. Lehiaketa honetan parte-hartzeak arau hauek eta epaimahaiaren erabakia erabat onartzea dakar berekin.

9. HARREMANAK
Lanen aurkezpenerako, informazio gehiago eskuratzeko edota zalantzak argitzeko Euskokultur Fundazioarekin harremanetan jartzeko bideak honakoak dira:

EUSKOKULTUR MINTEGIA
Baratzeetako zeharkalea 2, behea. 31014 Iruñea.
Tfnoa: 00 34 948 14 18 12
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.