Artikuluak

Oharra:

2012ko VII. Mikro-Ipuin Lehiaketarako idazlanak onartzeko epea luzatu da

—Lanak aurkezteko epea 2013ko urtarrilaren 31n amaituko da
—Horren ondorioz, epaimahaiaren erabakia 2013ko martxoaren hasieran ezagutzera emango da.

Euskara Kultur Elkargoak eta Pamiela Etxeak «Mikro-Ipuin Lehiaketa»ren zazpigarren edizioaren deialdia iragartzen dute. Lehiaketa hau Nafarroa osoko ikastetxeetan euskaraz ikasten duten ikasleei zuzendurik dago. Iaz egin zen bezala, A ereduko euskara irakasgaitzat duten ikasleei zuzendutako arlo berezia antolatzen da.

ARAUAK (PDF formatuan eskuratzeko klikatu hemen)

1. Lehiaketa honetan, A zein D ereduko Lehen Hezkuntzan eta Derrigorrezko Bigarren Hezkuntzan ari diren ikasleek parte har dezakete.

2. Idazlanak euskaraz idatzitako ipuinak izan behar dira.

3. Ipuinak jatorrizkoak, argitaragabeak eta aurreko edozein lehiaketatan saritu gabeak izango dira, baita beste inongo lehiaketatan aurkeztu gabeak ere.

4. Ipuin bakoitzak gehienez 100 hitz izango ditu.

5. Irakasleak talde bakoitzeko lanak bilduz, EKEren egoitzara –Zapateria kalea 50, 1.C - 31001 IRUÑEA– aurkeztu edo postaz bidaliko ditu;  bestela, posta elektronikoaren bidez, Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera.

6. Lehiaketan aurkeztutako lanak deialdi honetako arauei lotu beharko dira.

LANEN AURKEZPENA: POSTA ARRUNTAZ BIDALTZEKO
Lanetan ezin dira egileen  datu pertsonalak agertu. Lanak goitizenaz sinatu beharko dira eta egile bakoitzaren  datuak gutunazal itxi batean aurkeztuko dira horretarako prestatu dugun eredua erabiliz (fotokopiatu eredua arauetatik). Beraz, mikro-ipuin bakoitzeko, gutunazal txiki bat egongo da. Lan guztiak, beren gutunazal txikiekin batera, beste gutunazal handi batean sartuko dira. Gutunazal handia helbide honetara bidali behar da: EKE - Zapateria kalea, 50  1.C - 31001 Iruñea.

LANEN AURKEZPENA: POSTA ELEKTRONIKOZ BIDALTZEKO
Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.  helbidera atxikitutako bi dokumentu bidali behar dira. Lehenengo dokumentuan mikro-ipuinak egongo dira, bakoitza bere goitizenaz sinatuta. Bigarren dokumentuan, egileen datuak bilduko dira: Ikaslearen goitizena, izen-abizenak, maila, adina  eta eredua. Era berean, mezuan zehaztuko dira ikastetxearen datuak: ikastetxearen izena, helbide postala, helbide elektronikoa eta irakasle arduradunaren izena baita helbide elektronikoa ere.

7. Idazlanak onartzeko epea 2012ko abenduaren 14an amaituko da.

8. Euskara Kultur Elkargoak izendatuko du adituen epaimahaia erakunde horretako kideen eta literatura munduko pertsonen artean; epaimahaiak, edonola ere, ez du ez egileen izenik ez izengoitirik ezagutuko.

9. Epaimahaiaren epaia apelaezina izango da eta 2013ko otsailaren 15ean ezagutaraziko da.

10. Oinarri hauetan ezarritako datei dagokienez, aurkezturiko obren kopurua espero baino handiago izatera, atzerapena izan liteke. Epaimahaiak ipuinak irakurtzeko eta aztertzeko aski denbora eduki dezan.

11. Sariak: Lau Lehen Sari emango dira: bi,  D ereduko Lehen eta Bigarren Hezkuntzakoan, eta beste bi, A ereduko Lehen eta Bigarren Hezkuntza arloan.

12. Pamiela Argitaletxearen liburu sorta bana emanen  zaio kategoria bakoitzean irabazle gertatuko den mikro-ipuinaren egileari. Bestalde, epaimahaiak erabakiko du, kontuan hartuz ipuin irabazleen orijinaltasuna eta kalitatea, zein ikastetxetan eginen den ikasle, irakasle eta artista gonbidatuarekin ospatu ohi den sari banaketaren ekitaldia. Aurtengo edizioan Maialen Lujanbio bertsolari txapelduna  da.

13. Epaimahaiak egoki iritzitako aipamenak eman ditzake.

14. Sariak eman gabe gera daitezke, baldin eta, epaimahaiaren irizpidearen arabera, idazlanek behar bezalako merezimendurik ez badute. Era berean, epaimahaiak ahalmena izango du sor litekeen bere eskumeneko edozein arazo erabakitzeko, arazo hori oinarrietan aurreikusia ez bada.

15. Aurkezturiko idazlanak EKEren esku geratuko dira. EKEk bere webgunean edo beste komunikabide edo euskarritan argitaratu ahal izango ditu, egilea eta eskola aipatuz betiere.

16. Lehiaketa honetan parte-hartzeak arau hauek eta epaimahaiaren erabakia erabat onartzea dakar berekin.

Iruñea, 2012/09/20